Meistaraflokkur Aftureldingar tapaði sínum fyrsta leik á tímabilinu þegar mætti Reyni Sandgerði í Myntkaupahöllinni í gærkvöldi. Lokaúrslit urðu 78-81 fyrir gestina eftir dramatískan og spennandi leik. Liðin skiptu um forystu sextán sinnum í leiknum og sex sinnum var jafnt á stigatöflunni. Hvorugt liðið gat skapað sér nægilegt forskot til að ná yfirhöndinni og það var aldrei hægt að segja til um úrslitin fyrr en á síðustu sekúndunum.

Reynir byrjaði sterkt

Fyrsti leikhluti var gestanna og þeir unnu hann 26-14. Afturelding átti í erfiðleikum með að ná flugi í byrjun og Reynir nýtti sér það. En í öðrum leikhluta vaknaði liðið og vann leikhlutann 22-11. Það þýddi að Afturelding fór í hálfleik aðeins einu stigi undir, 36-37. Leikurinn var alveg opinn. Þriðji leikhlutinn var heimamanna og vann leikhlutann 24-16 og fór með sjö stiga forystu inn í fjórða leikhlutann, 60-53.

Reynismenn komu sterkir inn í fjórða leikhluta og skoraði nokkrar mikilvægar þriggja stiga körfur. Þegar mikið lá við og minnsti munurinn var á milli liðana skoruðu gestirnir stóru skotin. Afturelding náði ekki að svara og Reynir vann fjórða leikhlutann 28-18. Það dugði fyrir þriggja stiga sigurs gestanna, 81-78. Þetta var svekkjandi tap fyrir Aftureldingu eftir að hafa verið með forystu inn í síðasta leikhlutann.

Ólafur Snær með 34 stig – fyrirliðinn leiddi sóknina

Fyrirliði Aftureldingar, Ólafur Snær Eyjólfsson, skoraði 34 stig í leiknum. Magni Fannar Jónsson var einnig sterkur og skoraði 16 stig. Alexander Jón Finnsson bætti við 14 stigum. Hjá Reyni Sandgerði var Maciek Stanislav Baginski stigahæstur með 23 stig. Magnús Pétursson skoraði 18 stig og Sigurður Magnússon bætti við 10 stigum. Þrátt fyrir tapið er margt jákvætt að taka úr þessum leik. Afturelding sýndi mikla baráttu og karakter. Liðið er með þrjá sigra og eitt tap á tímabilinu sem er frábær byrjun á tímabilinu í 2. deildinni.

Næsti leikur eru útileikur gegn Selfossi u í Vallaskóla sunnudaginn 8. nóvember klukkan 18:00. Við hvetjum alla stuðningsmenn til að fá sér sunnudagsbíltúr austur fyrir fjall og styðja við strákana!

Áfram Afturelding!