Sasha er miðvörður með mikla reynslu en hún er nýlega orðin 32 ára gömul. Hún kemur frá Kanada og hefur leikið með öllum landsliðum þeirra frá 1998 til 2011 eða með U17, U19, U21 og A-landsliðinu. M.a. hefur hún tekið þátt í leikjum á heims- og ólympíuleikum og í Ameríkubikarnum svo eitthvað sé nefnt.

Sasha lék með  með Vancouver Whitecaps árin 2005-2008 og vann 2 North American Championships titla auk þess að vera valin besti varnarmaðurinn eða „Defensive MVP“. Hún hefur einnig leikið með LGT í Noregi og í Ástralíu með Perth Glory, síðan með FC Indiana í Bandaríkjunum og nú síðast með LA Pali Blues þar sem hún varð North American Championships meistari í þriðja sinn.

Sasha er hávaxin og þykir gríðarlega öflug í loftinu auk þess að búa fyrir afar góðri tækni og leikskilningi. Hún á án efa eftir að reynast Aftureldingu dýrmætur fengur í Pepsideildinni í sumar.