Afturelding tekur þátt í alþjóðlegri Hreyfiviku 21.– 27. september 2015

Fimleikadeildin ætlar að bjóða upp á opna æfingu fyrir alla sem eru 16 ára eða eldri í Fullorðinsfimleikum í kvöld, þriðjudaginn 22. september, kl 20:00-21:30 í fimleikasalnum okkar í Varmá.

Við hvetjum alla til að kíkja og prufa og taka vin með sér.

Æfingar ættu að henta flest öllum, bæði þeim sem eru með bakgrunn í fimleikum og öðrum sem hafa gaman að krefjandi og skemmtilegum æfingum.

Fyrst og fremst er þetta alhliða, skemmtileg og öðruvísi hreyfing.

Byrjað er á upphitun, þreki og teygjum svo verður farið yfir á fimleikaáhöldin.
Fimleikar er mjög góð alhliða hreyfing fyrir þá sem vilja styrkja sig og liðka.

Þjálfari fullorðinsfimleika í vetur er Ingibjörg Antonsdóttir fimleikakona. Ingibjörg hefur langan fimleikabakgrunn auk þess sem hún æfir með meistaraflokki Gerplu í hópfimleikum.

Nánari upplýsingar um hreyfivikuna má finna hér:
https://afturelding.is/afturelding/news/single/article/hreyfivika-21-27-sept-1748.html