Bromma er eitt stærsta félag Norðurlanda með öfluga unglingaakademíu og leikur liðið í næst efstu deild í Svíþjóð.

Viktor Marel mun dvelja hjá félaginu við æfingar í eina viku með U17 ára liðinu og kemur heim reynslunni ríkari. Viktor Marel hefur á þessu ári staðið sig vel með sínum flokk í A deild Íslandsmóts og hefur komið við sögu í nokkrum leikjum með 2.flokki þrátt fyrir að vera á yngra ári í 3.flokki. Viktor var einnig boðaður á U16 ára landsliðsæfingar fyrr á árinu.

Þess má geta að tveir íslenskir þjálfara starfa hjá Bromma en þeir eru Magni Fannberg þjálfari aðalliðs félagsins og Þorlákur Árnason yfirmaður akademíunnar.

Knattspyrnudeild óskar Viktori góðs gengis í Svíþjóð