Birkir Þór Guðmundsson leikmaður Aftureldingar hefur verið valinn í hópinn en Birkir á 3 leiki að baki fyrir U17 ára og sömuleiðis 3 leiki fyrir U16 ára landsliðin og nær vonandi að bæta U19 ára landsleik við gegn Norður Írum.

Afturelding er reyndar vel sett með landsliðsmenn því þeir Arnór Gauti Ragnarsson sem leikur með Breiðablik og Axel Óskar Andrésson sem leikur með Reading í Englandi eru einnig í hópnum en þeir eru uppaldir hjá Aftureldingu sem kunnugt er.

Knattspyrnudeild óskar þessum efnilegu knattspyrnumönnum öllum til hamingju og góðs gengis með landsliðinu.