Reglur Kobe Osaka sem iðkendur fylgja:

1. Nemandi hneigir sig þegar hann kemur inn í æfingasalinn (Dojo) eða fer út úr honum.
2. Nemandi er aldrei í skóm á æfingu né í keppni.
3. Bannað er að reykja og blóta í æfingasalnum.
4. Bannað er að koma með áfengi í tíma eða vera undir áhrifum áfengis eða annarra vímugjafa.
5. Karategalli (Gi) á ætíð að vera hreinn og sléttur, nemandi á vera hreinn og neglur snyrtilegar.
6. Ekki er leyfilegt að bera skartgripi við þjálfun.
7. Nemanda er óheimilt að tala í tímum nema nauðsyn beri til.
8. Nemandi á ætíð að fylgja leiðbeiningum þjálfara.
9. Nemandi á að mæta stundvíslega í tíma.
10. Nemandi má ekki liggja upp að vegg eða spranga um gólf æfingasalarins. Nemandi á alltaf að sitja uppréttur. Þegar nemandi bíður eftir að röðin komi að honum má hann ekki trufla aðra nemendur.
11. Þegar hlustað er á leiðbeiningar eru hendur hafðar beinar niður með síðum og hnefa kreppta. Ekki má ekki hafa hendur krosslagðar eða á mjöðmum.
12. Þegar öðrum nemenda er heilsað hneigir nemandi sig og segir „oo´s“.
13. Þegar þjálfari biður nemendur að fara í beina línu raða þeir sér strax upp.
    1. Þegar þjálfari kemur inn í salinn eiga nemendur að fara í beina röð með hendur niður með síðum.
    2. Sá sem hefur hæstu gráðuna stendur fremstur í röðinni og segir þegar allir eru búnir að taka stöðu: „Seiza“ (seiza = setjast)
    3. Þá krjúpa nemendur á hnéin, fyrst á það vinstra með beint bak og svo það hægra, síðan er sest á hælana og lófarnir látnir hvíla á lærunum.
    4. Þegar þjálfarinn segir: „Mokso“ (mokso = hefja hugleiðslu) gerir nemandinn lófana bollalaga, lokar augunum og hann undirbýr sig fyrir þjálfun.
    5. Þegar þjálfarinn segir: „Yamae“ (yamae = hætta) opna nemendur augun og hendurnar fara aftur á lærin.
    6. Þegar þjálfarinn segir:“Rai“ (rai = hneigja) styður nemandinn höndunum á gólfið með lófana niður og hann beygir sig í u.þ.b. tvær sekúndur.
14. Þegar nemandi kemur seint í tíma fer hann á hnén í enda æfingasalarins og horfir til þjálfarans áður en hann tekur þátt í tímanum.
15. Nemandi má ekki yfirgefa salinn áður en tíminn er búinn nema með leyfi þjálfarans.
16. Nemandi sem þarf að yfirgefa salinn með leyfi þjálfara áður en tíminn er búinn hneigir sig við enda æfingasvæðisins þegar hann fer.
17. Í sýnikennslu, með þjálfara eða með tilsögn hans, eiga nemendur að hneigja sig og segja „oo’s“. Nemandi á alltaf að hneigja sig fyrst til þjálfarans og þjálfarinn svo til nemandans.
18. Aldrei má kalla þjálfara eða leiðbeinanda með skírnarrnafni. Þjálfara á að kalla „SENSEI“ og leiðbeinanda „SEMPAI“.
19. Þegar þjálfari kallar upp nemanda til aðstoðar svarar nemandi með því að segja „oo’s“ og fer strax til þjálfarans. Þar hneigir hann sig fyrir þjálfaranum og bíður frekari fyrirmæla.
20. Þegar tveir nemendur eru að æfa sig saman hneigja þeir sig samtímis á móti hvor öðrum áður en æfingin hefst og eftir að henni er lokið.
21. Áður en keppandi fer inní keppnissal hneigir hann sig. Áður en sjálf keppnin hefst hneigir keppandinn sig fyrst fyrir dómaranum og síðan fyrir keppinaut sínum.