Öruggur 3-0 sigur á Stjörnunni í kvöld í Garðabænum og stelpurnar því komnar í úrslit. Í úrslitum mun Afturelding mæta Þrótti Nes sem vann HK 3-1 í Fagralundi í kvöld.
Í úrslitaeinvíginu þarf að vinna 3 leiki til að hampa Íslandsmeistaratitlinum.

Afturelding og Stjarnan eigast við öðru sinni í undanúrslitaviðureigninni á Íslandsmótinu í kvöld kl 19:30 í Ásgarði í Garðabæ. Staðan í einvíginu er 1-0 fyrir Aftureldingu og þarf að vinna 2 leiki til að komast áfram í úrslitaeinvígið um Íslandsmeistaratitilinn.

Afturelding og Stjarnan léku fyrsta leik sinn í undanúrslitum kvenna í Mikasadeildinni í blaki í Mosfellsbæ í kvöld. Afturelding hafði yfirburði í leiknum og vann nokkuð öruggan sigur. Fyrstu tvær hrinur leiksins fóru 25-15 fyrir Aftureldingu og þriðja hrinan fór 25-20 fyrir Aftureldingu og unnu þær leikinn 3-0.

Úrslitakeppnin í blakinu hefst á morgun þriðjudag. Afturelding landaði deildarmeistaratitlinum um sl. helgi og er því með heimaleikjaréttinn. Í undanúrslitum þarf að vinn 2 leiki og í úrslitum þarf að vinna 3 leiki.

Afturelding varð á föstudagskvöld deildarmeistari í blaki kvenna þrátt fyrir að liðið tapaði fyrir Þrótti Nes, 3:2, í hrinum talið á heimavelli í Mosfellsbæ. Aftureldingu nægði stig í leiknum sem það krækti sér í með því að vinna tvær hrinur.