Körfuknattleiksdeild Aftureldingar býður upp á fjölbreytt og skemmtilegt sumarstarf fyrir börn og unglinga í sumar, þar sem bæði sumarnámskeið fyrir yngsta hópinn og körfuboltaæfingar fyrir þau eldri verða í boði flestar vikur sumarsins.

Fyrsta tímabilið hefst þann 8. júní og nú þegar er frábær skráning! Boðið verður upp á þrjú mismunandi tímabil júní , júlí og ágúst en einnig veitum við afslátt fyrir þau sem skrá sig fyrir allt sumarið.

Sumarnámskeið fyrir 1.–4. Bekk (fædd ´17 -´20)
Á námskeiðunum er lögð áhersla á gleði, hreyfingu og samveru þar sem körfuboltinn er alltaf í aðalhlutverki. Dagarnir eru fjölbreyttir með leikjum, stöðvaþjálfun, grunnatriðum körfuboltans og fullt af skemmtilegri hreyfingu bæði inni og úti þegar veður leyfir.

Körfuboltaæfingar fyrir 5.–11. bekk (fædd ´16 –´10)
Æfingarnar fara fram eftir hádegi mánudaga til fimmtudaga í Íþróttahúsinu við Helgafellsskóla. Námskeiðin hafa verið gríðarlega vinsæl undanfarin ár þar sem fjöldi krakka hefur eignast nýja vini, lært helling og skemmt sér konunglega.

Sumarnámskeiðin og körfuboltaæfingarnar henta bæði byrjendum og þeim sem eru lengra komin – allir eru velkomnir og ættu að finna eitthvað við sitt hæfi

Æfingar og námskeið fara fram í Íþróttahúsinu við Helgafellsskóla og nágrenni
Skráning fer fram á Abler: Karfa | Shop ; Almenningsdeild | Shop

Starf körfuknattleiksdeildarinnar heldur áfram að vaxa og dafna og leggur deildin mikinn metnað í að skapa jákvætt, öflugt og skemmtilegt umhverfi fyrir alla iðkendur.

Við viljum jafnframt þakka öllum iðkendum, foreldrum, þjálfurum og sjálfboðaliðum kærlega fyrir frábært vetrartímabil.

Áfram Afturelding körfubolti

Þar sem gleðin er í leiknum og boltinn aldrei langt undan!