Í tilefni af bleikum október, vitundarvakningu um brjóstakrabbamein, ætlar Körfuknattleiksdeild Aftureldingar að leggja sitt af mörkum og styðja við þetta mikilvæga málefni.

Í tengslum við heimaleiki meistaraflokks deildarinnar í október verður bleika slaufan til sölu og gefst gestum og stuðningsfólki því kostur á að leggja málefninu lið um leið og þeir mæta á völlinn og styðja okkar lið.

  Fyrsti heimaleikur tímabilsins

Laugardaginn 10. október kl 15.00 tekur meistaraflokkur Aftureldingar á móti KR-b í Myntkauphöllinni að Varmá.

 Laugardagur 10. október 

 Afturelding – KR-b 

 Myntkauphöllin að Varmá 

 Frítt á leikinn!

Við hvetjum alla Mosfellinga og velunnara Aftureldingar til að mæta á völlinn, styðja okkar lið og skapa góða stemningu í stúkunni. Um leið gefst frábært tækifæri til að taka þátt í bleikum október og styðja við mikilvægt málefni með kaupum á bleiku slaufunni. Með sameiginlegu átaki getum við sýnt samstöðu með þeim sem hafa greinst með brjóstakrabbamein og aðstandendum þeirra.

Mætum á völlinn, styðjum Aftureldingu og bleikan október!

Frítt á leikinn – Bleika slaufan verður til sölu!

Sjáumst á Varmá laugardaginn 10. október!