Leikurinn hófst með látum og gestirnir komust yfir eftir aðeins níu mínútur. Okkar menn efldust við það og settu tvö mörk um miðjan fyrri hálfleik með stuttu millibili, fyrst Alexander Aron Davorsson og síðan Arnór Þrastarson. Njarðvík hafði þó ekki sagt sitt síðasta orð og jafnaði fyrir hlé.

Í síðari hálfleik dró ekki til tíðinda og lauk leik því 2-2. Næst leika strákarnir í bikarkeppninni á miðvikudag gegn liði Kára. Leikið verður á Varmárvelli.