Liðin mættust í undanúrslitum Lengjubikarsins fyrir stuttu og þá vann Njarðvík nauman sigur en nú ætla okkar menn að rétta sinn hlut og taka öll þrjú stigin. Njarðvík er þó með öflugt lið og er spáð sigri í deildinni á Fótbolta.net.

Afturelding kemur vel undan vetri og strákarnir ætla sér stóra hluti í sumar. Liðinu er spáð fjórða sæti í deildinni en með stuðningi Mosfellinga þá ætla menn sér meira og hvetur knattspyrnudeild alla til að mæta.

Þess má geta að strákarnir hafa tilkynnt að ef þeir vinna ekki í kvöld muni þeir mæta á næsta leik meistaraflokks kvenna og leiða þær inná völlinn !