Afturelding kemur inní seinni umferðina í sjöunda sæti og þarf á hverju stigi að halda til að tryggja sæti sitt í deildinni. Cecilia Maria Marrero er komin til liðsins í stað Marcia Silva en Cecilia lék hér á landi fyrir nokkrum árum með Fylki.

Valur fór vel að stað í upphafi móts með sigri á Aftureldingu en náði ekki að fylgja því eftir og er í fjórða sæti, tíu stigum á eftir toppliði Stjörnunnar. Valskonur fengu þó góðan liðstyrk í fríinu þegar landsliðskonurnar Edda Garðarsdóttir og Ólína Viðarsdóttir gengu til liðs við félagið.

Mosfellingar eru hvattir til að skella sér á völlinni í sumarblíðunni og styðja við stelpurnar okkar.