Aftureldingarkonur mættu gífurlega ölfugar til leiks í kvöld og ljóst var að þær ætluðu að pressa vel á Þróttarakonur. Sterkar uppgjafir hjá Aftureldingu sköpuðu töluverð vandræði fyrir Þrótt og fór svo að Afturelding vann fyrstu hrinuna 25-11. Afturelding hélt áfram í annari hrinu og gaf Þrótturum aldrei tækifæri að koma sér inn í leikinn og vann aðra hrinuna 25-13. Í þriðju hrinu byrjaði Afturelding betur en Þróttarkonur komu sterkar til baka og jafnræði var með liðunum en í stöðunni 19-18 tók Afturelding völdin á vellinum og vann hrinuna 25-21. Afturelding vann leikinn því 3-0 og var það sterk liðsheild sem skóp þennan sigur. Afturelding leiðir í einvíginu 2-1 en þrjá leiki þarf til þess að verða Íslandsmeistarar. 

Stigahæstar í liði Aftureldingar var Thelma Dögg Grétarsdóttir með 13 stig og Zaharina Filipova með 11 stig. Í liði Þróttar var Jóna Vigfúsdóttir með 17 stig og Erla Rán Eiríksdóttir með 6 stig.

 Næsti leikur liðanna fer fram í Neskaupsstað þriðjudaginn 22. Apríl og hefst hann kl. 19:30 og þar gæti Afturelding tryggt sér Íslandsmeistaratitilinn.

 

Annað kvöld eigast síðan við HK og Stjarnan í úrslitum karla og verður leikið í Fagralundi kl. 19:30. Í því einvígi leiðir HK 2-0 og geta tryggt sér Íslandsmeistarartitilinn.