Byggingafélagið NÝHÚS, sem reisir glæsilegt fjölbýli í Helgafellslandi, undirritaði tveggja ára samstarfssamning í vikunni við meistaraflokk karla í knattspyrnu. Á myndinni eru þeir Eyþór og Máni frá NÝHÚS ásamt Ásbirni Jónssyni, formanni meistaraflokksráðs karla, við undirritun samningsins.

Merki NÝHÚS byggingafélags verður bæði á keppnistreyju sem og á æfingatreyju meistaraflokks karla næstu tvö árin.

Knattspyrnudeild Aftureldingar þakkar Byggingafélaginu NÝHÚS fyrir góðan stuðning og hlakkar til samstarfsins á komandi árum.