Velkomin í litla fréttahornið okkar
Það er fyrst núna sem menn eru að komast á jörðina eftir einn magnaðasta leik sem við höfum séð í langan tíma og nú er loksins komið að því sem við höfum beðið eftir, fyrsta leik úrslitaeinvígisins um ÍSLANDSMEISTARA TITILINN !!! Það hefur verið frábær stemming hingað til en nú þurfum við að halda því og bæta í, því það …
Knattspyrnudeild Aftureldingar og Ölgerð Egils Skallagrímssonar hafa gengið frá samningi sín á milli fyrir komandi tímabil.
Knattspyrnudeild hefur fengið staðfesta leikheimild fyrir hina bandarísku Elise Kotsakis sem mun leika með Aftureldingu í Pepsideildinni í sumar.
Keppendur Aftureldingar stóðu sig frábærlega á Bushiod mótaröðinni um helgina sem leið.
Við minnum á að engar æfingar verða föstudaginn 1. maí næstkomandi hjá Fimleikadeildinni. Um er að ræða almennan frídag og Íþróttamiðstöðin að Varmá er lokuð þennan dag.
Afturelding mætti Sindra í úrslitaleik B-deildar Lengjubikarsins en leikið var í Kórnum í gær sunnudag. Gunnar Wigelund skoraði sigurmark leiksins á 79. mínútu en leikurinn var jafn og lítið um færi. Á 89. mínútu fékk Sindri vítaspyrnu og hefði getað jafnað metin en Sigurbjartur Sigurjónsson í marki Aftureldingar varði spyrnuna og Afturelding fagnaði sigri. Frétt frá Fótbolta.net. Sjá alla fréttina: http://www.fotbolti.net/news/27-04-2015/afturelding-vann-b-deild-lengjubikarsins …
Hreinn úrslitaleikur um Íslandsmeistaratitilinn í blaki kvenna verður í N1 höllinni annað kvöld kl. 19.00 á milli Aftureldingar og HK. Mætum öll og styðjum stúlkurnar. Ókeypis aðgangur!
Staðan í úrslitaeinvíginu um Íslandsmeistaratitil kvenna í blaki er 2-2.
Því er um hreinan úrslitaleik að ræða á þriðjudag kl 19 að Varmá. Nú er mikilvægara en nokkurntíman áður að fjölmenna á pallana og hvetja stelpurnar til dáða.
Forsalan byrjar kl 10:00 laugardaginn 25. apríl og stendur fram að leik. Miðarnir eru seldir í afgreiðslunni að Varmá.
Búið er að bæta við pöllum fyrir 300 manns aukalega en viljum hvetja þá sem vilja ná sæti að mæta tímanlega því hluti af stúkunni verður standandi.
Hvíti riddarinn mun grilla hamborgara á meðan leik stendur.
Það er heldur betur úrslitaleikjastemning í Mosfellsbæ um þessar mundir því strákarnir okkar leika til úrslita í B-deild Lengjubikarsins á sunnudaginn.
