Afturelding á fjóra leikmenn í lokahóp A landsliðs kvenna í blaki sem undirbýr sig nú að krafti fyrir undankeppni HM/EM í Lúxemborg 24.-26.júní.
Fjóla Rut Svavarsdóttir, Karen Björg Gunnarsdóttir, Kristín Salín Þórhallsdóttir og Thelma Dögg Grétarsdóttir eru fulltrúar Aftureldingar og óskum við þeim til hamingju með valið og góðs gengis í Lúxemborg.

Blakdeild Aftureldingar hefur samið við Eduardo Berenguer Herrero og mun hann taka við sem yfirþjálfari og íþróttastjóri innan balkdeildar Aftureldingar til næstu 3ja ára. Eduardo mun leiða uppbyggingarstarf deildarinnar, allt frá yngstu iðkendum til úrvalsdeildaliðanna og hjálpa til við uppbyggingu á innri starfi deildarinnar. Um leið og Blakdeildin býður Eduardo velkomin til nýrra starfa þá þökkum við fráfarandi þjálfara til 2ja ára,Rogerio …

Blakdeild Aftureldingar býður yngri flokka velkomna á Íslandsmótið í 4.og 5.flokki. Leiknir verða yfir 100 leikir um helgina Íþróttamiðstöðin að Varmá og hvetjum við bæjarbúa til að koma og fylgjast með efnilegu blökurunum okkar alls staðar af landinu. Ungmennafélagið Afturelding er með 7 lið á mótinu. Sjá nánar: islandsmot-4.-og-5.-flokks-um-helgina

HK – Afturelding í Fagralundi þriðjudag 26.apríl kl 19:15.
Fjölmennum og hvetjum stelpurnar okkar áfram.
Fer bikar á loft á morgun ?

Afturelding og HK spiluðu þriðja leikinn í einvíginu um Íslandsmeistaratitilinn í blaki kvenna í dag. Afturelding fór með sigur af hólmi á heimavelli og er nú liði komið yfir í einvíginu 2-1.

Afturelding tapaði í dag fyrir HK 3-2 Fagralundi.

Afturelding og HK mættust í fyrsta leiknum í úrslitakeppninni um Íslandsmeistaratitilinn í blaki. Háspennuleikur þar sem þessi lið eru gríðarlega jöfn.

Afturelding tekur á móti HK

Afturelding með öruggan sigur á Stjörnunni í fyrsta leik í undanúrslitum Mizundeildar kvenna í blaki!
Í kvöld hófst úrslitakeppnin í blaki kvenna og léku Afturelding og Stjarnan að Varmá. Afturelding byrjaði leikinn mjög vel og komst í þægilega forystu 16-6 og vann hrinuna örugglega 25-12. Í annari hrinu var um jafnari leik að ræða og fylgdust liðin að en í stöðunni 16-14 tók Afturelding góða skorpu og komst í 21-16. Afturelding vann síðan hrinu 2 25-18. Svipað var uppá teningnum í hrinu 3 þar sem jafnt var fram í miðja hrinu en í stöðunni 16-15 tók Afturelding aðra góða rispu og komst í 21-16 og vann síðan hrinuna 25-18 og leikinn 3-0.
Stigahæstar í liði Aftureldingar voru þær Thelma Dögg Grétarsdóttir með 19 stig og Nuria Bouza með 13 stig. Hjá Stjörnunni var það Elsa Sæný sem var stigahæst með 9 stig.
Afturelding hefur þar með tekið forystuna í einvíginu um að spila til úrslita um Íslandsmeistaratitilinn en það lið sem fyrr vinnur 2 leiki tryggir sér réttinn.

Fjögur lið eru að keppast um Íslandsmeistaratitilinn í blaki kvenna. Vinna þarf 2 leiki í undanúrslitum og 3 leiki í úrslitaeinvíginu.
Fyrsti leikur í undanúrslitunum er mánudaginn 11.apríl kl 19:15 að Varmá.