Afturelding hefur samið við miðjumanninn Önnu Báru Másdóttur sem gengur til liðs við félagið frá ÍR. Anna Bára er miðjumaður á besta aldri og því mikill fengur fyrir liðið. Anna Bára var á dögunum kjörin knattspyrnukona ÍR fyrir árið 2019, þá hefur Anna Bára leikið 107 meistaraflokksleiki og skorað í þeim tvö mörk.
Afturelding er í óða önn að styrkja hópinn sinn og er Anna Bára mikilvægur hlekkur í uppbyggingu liðsins fyrir komandi tímabil.
Anna Bára sem er 25 ára miðjumaður og hefur verið í lykilhlutverki hjá ÍR síðustu ár, fylgir liðsfélögum sínum Evu Rut og Andreu Katrínu yfir í Aftureldingu frá ÍR.
Við bjóðum Önnu Báru velkomna til félagsins og hlökkum til að sjá hana í rauðu í sumar!