Afturelding hefur mætt tveimur 1.deildar liðum í fyrstu tveimur umferðum mótins en strákarnir mættu einmitt Gróttu um síðustu helgi og urðu að sætta sig við 2-3 tap í spennandi leik.

Aðstæður voru frekar daprar en leikið var í snjó og roki utandyra á Seltjarnarnesi. Wentzel Steinarr og Birkir Þór skoruðu fyrir okkar menn en Gróttumenn tryggðu sér sigurinn í viðbótartíma.

Annaðkvöld, fimmtudag, heimsækja strákarnir svo Njarðvík í Reykjaneshöllina og er tilvalið fyrir áhugasama að kíkja þar við og sjá hvernig liðið kemur undan vetrinum.

Þá leika stelpurnar okkar við ÍA í Akraneshöllinni á föstudagskvöld í Faxaflóamótinu.