Ísak Snær lánaður til Fleetwood

Ungmennafélagið Afturelding Knattspyrna

Þau gleðitíðindi bárust í gær að Mosfellingurinn Ísak Snær Þorvaldsson fer á láni til Fleetwood í ensku C-deildina frá Norwich. Fleetwood er í 11. sæti í ensku C-deildinni en knattspyrnustjóri félagsins er Joey Barton.

Hinn 18 ára gamli Ísak Snær hefur vakið mikla athygli með U23 ára liði Norwich og Fleetwood óskaði eftir að fá hann á láni í kjölfarið.

Ísak hefur samtals spilað 23 leiki með U16, U17, U18 og U19 ára landsliði Íslands. Hann hefur skorað eitt mark í níu leikjum með U19 landsliði Íslands þar sem hann hefur verið fyrirliði.

Ísak lék í yngri flokkum Aftureldingar áður en hann gekk til liðs við Norwich sumarið 2017.