Meistaraflokkur karla ríður á vaðið þegar strákarnir mæta Njarðvík á Varmárvelli á föstudag. Liðið beið ósigur fyrir Suðurnesjamönnum í undanúrslitum Lengjubikarsins um síðustu helgi og ætla sér að gera betur í deildinni. Leikurinn hefst kl 20:00

Á sunnudag er svo komið að stelpunum sem hefja leik í Pepsi deildinni með heimaleik gegn FH kl 19:15. Þessi lið mættust einmitt í Lengjubikarnum fyrir nokkrum vikum og skildu þá jöfn. Stelpurnar þurfa á öllum stigum að halda í baráttunni framundan en liðið leikur nú fimmta árið í röð í efstu deild.

Knattspyrnudeild hvetur alla Mosfellinga til að taka saman höndum og styðja okkar lið, bæði stráka og stelpur í boltanum í sumar. Áfram Afturelding !