Afturelding hefur farið vel af stað og unnið báða sína leiki hingað til, 3-1 á heimavelli gegn Njarðvík og Hetti. KV er sömuleiðis með fullt hús eftir sterkan heimasigur á HK í fyrsta leik og stórsigur úti gegn nýliðum Ægis í síðustu umferð.

Liðin hafa mæst fjórum sinnum í deildakeppni undanfarin ár og hefur Afturelding haft betur með þrjá sigra og eitt tap en við unnum báða leikina við KV í fyrra. Bæði lið ætla sér uppúr 2.deild og mætast því stálin stinn á föstudag.

Reikna má með fjörugum leik og spennandi og er ástæða til að hvetja Mosfellinga til að kíkja á KR völl á föstudagskvöld kl. 20:00