Það er líf og fjör í íþróttamiðstöðinni að Varmá í dag, 2. maí, þar sem körfuboltastrákarnir í 9.–10. flokki hafa lagt af stað í körfuboltamaraþon en þeir munu æfa í dag í frá 08.00-20.00. Alls taka 21 strákur þátt í körfuboltamaraþoni þar sem þeir ætla að spila samfleytt í heilar 12 klukkustundir! Markmiðið er skýrt – að safna fyrir keppnisferð til Gautaborg um miðjan maí, þar sem þeir munu taka þátt í spennandi alþjóðlegu móti, Gothenburg Basketball Festival.

Vídeófundur

Undanfarnar vikur hafa strákarnir verið á fullu að safna og maraþonið hjá þeim rekur smiðshöggið á fjáraflanir þeirra í Mosfellsbæ og hefur stuðningurinn úr bæjarfélaginu verið frábær. Stemningin í Varmá er fjörug – boltar skella í parketið, liðsfélagar hvetja hver annan áfram og ekki ólíklegt að þreytan fái örlítið svigrúm þegar líður á daginn.

Enn er hægt að leggja verkefninu lið með frjálsum framlögum og eru allir hvattir til að kíkja við, upplifa stemninguna og hvetja strákana áfram í þessu skemmtilega átaki.

Áfram Afturelding körfubolti