Körfuknattleiksdeild Aftureldingar lét gott af sér leiða í morgun þegar fulltrúar deildarinnar heimsóttu alla grunnskóla í Mosfellsbæ færandi hendi. Tilefnið var að færa skólunum körfubolta að gjöf sem þakklætisvott fyrir gott samstarf og þakka fyrir vetrarstarfið en ekki síður hvetja alla til að fara nú út í körfu.
Við heimsóknirnar nýttu fulltrúar deildarinnar einnig tækifærið til að kynna fjölbreytt og spennandi sumarstarf körfuknattleiksdeildarinnar sem hefst þann 15. júní næstkomandi. Gjöfin kemur á góðum tíma þar sem boltarnir munu án efa nýtast vel á útivistardögum og í leik og hreyfingu nemenda á komandi vikum.
Á meðfylgjandi myndum má sjá fulltrúa deildarinnar og hina mismunandi starfsmenn Grunnskólanna í bæjarfélaginu
Körfuknattleiksdeild Aftureldingar leggur mikla áherslu á að efla áhuga barna og ungmenna á íþróttinni og skapa jákvætt og skemmtilegt umhverfi fyrir hreyfingu og félagsstarf. Það er því sérstaklega ánægjulegt að geta lagt sitt af mörkum til skólasamfélagsins með þessum hætti.
Sumarstarfið framundan
Nú styttist í að sumarstarfið fari af stað og framundan eru spennandi tímar hjá körfuknattleiksdeildinni. Boðið verður upp á fjölbreytt verkefni fyrir börn og ungmenni í 1.–10. bekk, þar sem bæði byrjendur og lengra komnir geta fundið eitthvað við sitt hæfi
Vertu með!
Körfuknattleiksdeild Aftureldingar hvetur alla Mosfellinga og íbúa nærsveita til að taka þátt í körfuboltanum í bæjarfélaginu og njóta skemmtunar, hreyfingar og góðs félagsskapar. Framundan eru vikur fullar af leik, lærdómi og körfuboltafjöri. Við hlökkum til að sjá sem flesta á vellinum en allar æfingar og námskeið fara fram í sumar í íþróttahúsinu við Helgafellskóla frá og með 15. Júní.
Hægt er að skrá sig í gegnum Abler eða nýta QR- kóða á auglýsinum fyrir sumarstarfið.
1.-4.bekkur : https://www.abler.io/shop/afturelding/sumarnamskeid2025/product/Q2x1YlNlcnZpY2U6NTU4NzI=/
5.-10.bekkur : https://www.abler.io/shop/afturelding/karfa/product/Q2x1YlNlcnZpY2U6NTg0NjM=/
Saman gerum við góðan sumardag enn betri – sjáumst í körfunni! 🏀