Afturelding Körfubolti er afar stolt af því að tilkynna að Ólafur Snær Eyjólfsson hefur endursamið við félagið og verður áfram í Mosfellsbænum á komandi keppnistímabili.

Ólafur gekk til liðs við Aftureldingu fyrir síðasta tímabil frá Breiðabliki og hefur síðan reynst liðinu gríðarlega öflugur leikmaður. Hann hefur með dugnaði sínum, krafti og baráttuvilja verið afar mikilvægur hlekkur í okkar unga og efnilega hópi, Ólafur er nú ekki sjálfur gamall, fæddur 2003 og því 23 ára og hungraður að sanna sig og leiða lið ungt og efnilegt lið Aftureldingar á leið þeirra upp í 1.deild karla

Það skiptir félagið miklu máli að halda í leikmann eins og Ólaf. Hann býr yfir miklum styrk, vinnusemi og metnaði og verður lykilmaður í því að hjálpa okkar unga og efnilega liði að taka næstu skref í átt að enn betri árangri. Leikmenn með hans hugarfar og karakter eru ómetanlegir í uppbyggingu liðs sem vill verða betra með hverjum deginum.

Ólafur er leikmaður sem skilur alltaf allt eftir á parketinu. Baráttan, vinnusemin og dugnaðurinn sem hann sýnir í hverjum leik og á hverri æfingu eru nákvæmlega þau gildi sem Afturelding vill standa fyrir.

„Það er ótrúlega gaman að Óli taki slaginn með okkur áfram. Hann er gríðarlega öflugur leikmaður sem leggur sig alltaf fram af heilum hug og gefur liðinu ótrúlega mikið. Svona karakterar eru lykilatriði í því að byggja áfram upp sterkt lið og hjálpa okkar unga og efnilega hópi að taka næstu skref. Við erum virkilega spennt fyrir því sem fram undan er og hlökkum til að sjá Óla halda áfram í rauðu treyjunni,“ segir Sævaldur, þjálfari Aftureldingar.

Við hlökkum til að sjá Ólaf halda áfram að berjast fyrir merkið og eigum von á spennandi tímabili fram undan.

Áfram Afturelding!