9.flokkur karla kominn í undanúrslit VÍS bikarkeppni KKÍ eftir öruggan 38 stiga sigur í Borgarnesi í kvöld 82-44. Aftureldingarstrákar byrjuðu leikinn af miklum krafti og komust í 15-2 forystu strax í upphafi leiks. Borgnesingar settu á lokamínútum fyrsta leikhluta þrjár 3ja stiga körfur og munurinn 19-12 eftir fyrsta leikhluta. Mikill kraftur var í hópnum í upphafi 2. leikhluta þar sem þeir skourðu fyrstu 16 stig leikhlutans gegn engu stigi heimamanna og munurinn orðin 34-12. Eftir það náðist jafnvægi á leikinn og heimamenn skoruðu og staðann 24-48 í hálfleik. Borgnesingar byrjuðu seinni hálfleik af krafti en okkar menn bættu stöðugt í og unnu að lokum sannfærandi sigur 82-44. Með þessum sigri eru strákarnir því komnir í undanúrslit bikarkeppninnar í fyrsta skipti og verður spennandi að sjá hvaða lið þeir dragast á móti en undanúrslitaleikurinn verður leikinn fyrstu vikuna í febrúar. Vonandi fá þeir nú heimaleik en þeir hafa leikið á útivelli hingað til alla bikarkeppnina. Allir strákarnir náðu að skora í dag og oft á tíðum spiluðu þeir vel sín á milli og fjörið var mikið.

Áfram Afturelding Körfubolti