Afturelding hafði betur í æsispennandi lokaspretti gegn Reykdælum

Það var boðið upp á sannkallaðan spennuleik þegar Afturelding tók á móti Reykdælum í gær. Eftir miklar sveiflur, mikla baráttu og æsispennandi lokamínútur fögnuðu heimamenn að lokum naumum en mikilvægum 81-79 sigri. Leikurinn var afar harður og baráttan mikil, en alls voru dæmdar 42 villur í leiknum. Það hafði óneitanlega áhrif á flæði leiksins og ekki síst á heimamenn, þar sem bæði villuvandræði og meiðsli hjá stóru leikmönnum Aftureldingar settu mark sitt á leikinn.

Heimamenn byrjuðu leikinn af miklum krafti og voru með góða stjórn á fyrri hálfleiknum. Magni Fannar fór þar fremstur í flokki og átti hreint frábæran fyrri hálfleik þar sem hann skoraði 21 af sínum 27 stigum í leiknum. Með öflugum sóknarleik og góðri liðsheild náði Afturelding góðri forystu fyrir hálfleik og virtist hafa góð tök á leiknum.

En körfuboltinn er fljótur að snúast!

Villuvandræði og meiðsli stóru leikmanna Aftureldingar reyndust heimamönnum erfið. Þeir þurftu að aðlaga leik sinn og það gaf Reykdælum tækifæri til að vinna sig aftur inn í leikinn. Gestirnir nýttu sér það vel og þegar leið á seinni hálfleikinn varð leikurinn varð æ meira spennandi. Forysta Aftureldingar minnkaði og allt stefndi í æsispennandi lokakafla. Þegar mest á reyndi stigu heimamenn þó upp. Björgvin Már átti stóran þátt í að tryggja sigurinn þegar hann setti mikilvæga körfu í lokin og kom Aftureldingu þremur stigum yfir, 80-77. Það reyndist þungt högg fyrir gestina og þrátt fyrir að þeir reyndu hvað þeir gátu komust þeir ekki nær.

Lokatölur urðu því 81-79 og heimamenn fögnuðu mikilvægum sigri eftir hörkuleik þar sem reyndi svo sannarlega á taugarnar undir lokin. Magni Fannar var stigahæstur Aftureldingar með 27 stig, þar af 21 í fyrri hálfleik, og valinn maður leiksins i Aftureldingu og handahafi beltisins góða næstu vikuna. Björgvin Már átti einnig mikilvægan þátt í sigrinum með 12 stig og lykilkörfu þegar mest á reyndi. Þá var Ólafur Snær einnig með 12 stig. Í liði Reykdæla var Birgir með 18 stig, Sigurður og Óskar með sitt hvor 14 stigin.

Það er alltaf gott að vinna spennuleiki – og þessi sigur var svo sannarlega sætur!