Valgeir Árni Svansson hefur framlengt samning sinn við Aftureldingu út tímabilið 2021. Valgeir er uppalinn hjá félaginu og leikið 26 keppnisleiki með Aftureldingu á síðustu þremur árum og skorað í þeim tvö mörk.

Valgeir er á 22. aldursári og leikur í stöðu bakvarðar eða vængmanns. Hann lék 12 leiki með Aftureldingu í deild og bikar á síðustu leiktíð en missti af seinni helmingi tímabilsins vegna meiðsla.

„Valgeir hefur tekið miklum framförum í vetur, æfir mikið og leggur hart að sér. Það er mjög ánægjulegt að Valgeir verði með Aftureldingu næstu tvö keppnistímabil hið minnsta,“ segir Magnús Már Einarsson, þjálfari Aftureldingar.