Næstkomandi þriðjudag, 19. febrúar, verður sannkallaður risaleikur þegar FH kemur í heimsókn í Coca Cola Bikar karla. Með sigri fara strákarnir okkar í undanúrslit bikarkeppninnar í Laugardalshöll! Einu skrefi nær bikarnum sem þeir ætla sækja heim.

Síðast þegar þessi lið mættust skildu þau jöfn 25-25 í hörkuleik en liðin sitja hlið við hlið í Olís deildinni í 4. og 5. sæti.

Leikurinn hefst klukkan 19:30 og verður í beinni útsendingu á RÚV.

Stuðningur ykkar kæru vinir er okkur gríðarlega mikilvægur og viljum við fjölmenna í stúkuna! Mynda rosalega stemningu og hvetja strákana okkar til sigurs, alla leið í Höllina!