Um helgina var Böðvar Páll kosinn efnilegasti leikmaður N1 deildar í vetur og er þetta mikill heiður fyrir þennan unga frábæra leikmann.
Böðvar er aðeins 17 ára gamall en er þegar orðin einn af lykilmönnum í meistaraflokki Aftureldingar, auk þess að eiga sæti í U18 og U20 ára landsliðum. Hann er mjög öflugur varnarmaður og er auk þess efnilegasta skytta landsins. Böðvar hefur lagt mjög mikið á sig á æfingum undanarin ár og er sú vinna svo sannarlega að skila sér.

Nú um helgina skrifaði Böðvar undir tveggja ára samning við Aftureldingu og það verður mjög spennandi að fylgjast með honum gleðja handbolta unnendur í Mosfellsbæ á næstu árum. 

Handknattleiksdeild Aftureldingar óskar Böðvari innilega til hamingju með kjörið.

Áfram Afturelding