Stelpurnar okkar hafa mætt smámótvindi í upphafi leiktíðar og eru sem stendur í neðsta sæti en hafa þó verið að spila ágætlega. Mótherjarnir frá Akureyri hafa hinsvegar farið mikinn og eru ósigraðar á toppi deildarinnar, nokkuð sem kemur helstu sparkspekingum aðeins á óvart.

Allur ágóði af miðasölu rennur til okkar erlendu leikmanna sem lentu í því leiðinlega atviki á dögunum að frá þeim var stolið fartölvum og Ipad þegar brotist var inn í hýbýli þeirra. Miðaverð er 1.000 krónur og vill knattspyrnudeild hvetja Mosfellinga til að koma og hvetja stelpurnar okkar til dáða og hafa einn þúsundkall tiltækan við hliðið.

Áfram Afturelding !