Knattspyrnudeild Aftureldingar hefur hafið sölu á árskortum á heimaleiki karla- og kvennaliðs Aftureldingar en bæði lið leika í Inkasso-deildinni í sumar. Kortin gilda á heimaleiki beggja liða og er það von félagsins að fjölmennt verði á heimaleiki félagsins í sumar.
Sala á kortunum er hafin og má nálgast árskort á skrifstofu félagsins milli kl. 13-16 alla virka dag. Einnig verða seld árskort á fyrstu heimaleikjum karla og kvenna næstu daga. Nánari miðasala árskorta verður auglýst síðar.
Í fyrsta sinn verður boðið upp á sérstök árskort fyrir yngri knattspyrnuáhugamenn. Framtíðarkortið er fyrir ungt fólk á aldrinum 16-25 ára og kostar kortið aðeins 4.900. Kortið gildir á alla heimaleiki karla og kvenna í sumar. Einnig er boðið upp á Gull- og Silfurkort sem veita aðgang að öllum heimaleikjum.
Sérstök Iðkendakort verðaveitt öllum iðkendum í barna- og unglingastarfi knattspyrnudeildar sem fá frítt á völlinn í sumar. Einnig fá foreldrar/forráðamenn 50% afslátt af miðaverði séu þau í fylgd með barni með iðkendakort.
Frábærar fyrirmyndir prýða kortin að þessu sinni en það eru þau Hafrún Rakel Halldórsdóttir, leikmaður meistaraflokks kvenna, og Jason Daði Svanþórsson, leikmaður meistaraflokks karla.
Árskort knattspyrnudeildar 2019:
Gullkort – 19.900 kr.-
Þegar þú kaupir Gullkort knattspyrnudeildar Aftureldingar færð þú aðgengi að öllum meistaraflokks leikjum félagsins, hvort sem um ræðir karla eða kvenna leiki. Í þokkabót færð þú aðgengi að veitingum fyrir heimaleiki karla og kvenna í sumar eða einnig í hálfleik.
Silfurkort – 12.900
Þegar þú kaupir Silfurkort Aftureldingar færð þú aðgengi að öllum meistaraflokks leikjum félagsins, hvort sem um ræðir karla eða kvenna leiki. Þar að auki fæst 25% afsláttur af hamborgaratilboðum á leikjum meistaraflokka félagsins.
Framtíðin – 4.900 kr.-
Framtíðin er ætluð þeim sem eru á bilinu 16 til 25 árs, þ.e. þá sem eru fæddir á árunum 1994-2003. Þessi kort veita aðgang að öllum meistaraflokks leikjum félagsins, hvort sem um ræðir karla eða kvenna leiki.
Iðkendakort – Frítt
Allir iðkendur í barna- og unglingaráði knattspyrnudeildar fá frítt á alla heimaleiki karla og kvenna í sumar. Foreldrar og/eða forráðamanna í fylgd með barni sem franvísar iðkendakorti fá 50% afslátt af miðaverði.