Birkir Þór Guðmundsson er boðaður á æfingar með U19 karla og þeir Arnór Breki Ásþórsson og Andri Freyr Jónasson mæta á æfingar hjá U17 um sömu helgi. Æft verður í Kórnum og Egilshöll að vanda

Kristín Þóra Birgisdóttir þurfti því miður að draga sig úr hóp hjá U17 kvennalandsliðinu sem er í Finnlandi. Íslenska liðið tapaði fyrri leik af tveimur æfingaleikjum í gær en spilar aftur á morgun fimmtudag.

Þá var dregið í undankeppni EM 2016 hjá U17 og U19 kvennalandsliðunum og mun U17 leika í Svartfjallalandi og U19 í Grikklandi en undankeppnin hefst næsta haust. Verður fróðlegt að fylgjast með hvort Afturelding muni eiga fulltrúa á þeim framandi slóðum í haust.