Afturelding á enn möguleika á að vinna sér sæti í 1.deild að ári og má búast við mikilli spennu á þegar liðið tekur á móti HK á Varmárvelli kl 14:00 en þessi lið eru í mikilli baráttu sín á milli um að ná öðru sæti deildarinnar.

Fyrir leikinn eru Völsungur og KF í efstu tveimur sætunum með 43 og 42 stig en HK og Afturelding fylgja fast á eftir með 40 stig.

Okkar mönnum dugar aðeins sigur og vill knattspyrnudeild hvetja Mosfellinga til að fjölmenna á Varmárvöll á laugardag og hvetja strákana áfram.