Logi Már Magnússon hefur gert sinn fyrsta meistaraflokks samning og semur við Aftureldingu til næstu tveggja ára. Logi er 19 ára gamall og var á dögunum formlega tekinn inn í leikmannahóp meistaraflokksins.
Logi er efnilegur og fjölhæfur leikmaður sem getur leyst margar stöður á miðjunni. Hann lék með 2. flokk félagsins síðasta sumar og lék einnig 13 leiki með Hvíta Riddaranum sem fór í undanúrslit í 4. deildinni.
Logi Már smellpassar inn í ungan leikmannahóp Aftureldingar sem býr sig að kappi undir tímabilið í Inkasso-deildinni.
Er það sérstak fagnaðaefni að sjá uppalinn leikmann taka skref upp í meistaraflokk félagsins.
Mynd: Logi Már og Magnús Már Einarsson, þjálfari Aftureldingar.