Eftir svekkjandi tap á heimavelli gegn Fylki í síðasta leik ætla stelpurnar okkar sér ekkert annað en þrjú stig þegar Vestmannaeyingar mæta á Varmárvöll. ÍBV er reyndar með hörkugott lið sem endaði í þriðja sæti deildarinnar í fyrra og því ljóst að það verður þörf á góðum stuðningi frá Mosfellingum.

ÍBV vann öruggan sigur á Aftureldingu í fyrra í miklum rokleik í Eyjum en okkar stelpur hefndu ófaranna, ekki einu sinni heldur tvisvar með því að slá Eyjapæjur út í bikarnum eftir framlengingu og vítakeppni og síðan bættu þær um betur með sigri í Mosfellsbænum.

En nú er komið að því að fjölmenna í vorblíðunni á Varmárvöll og hvetja Aftureldingu til dáða – Allir á völlinn, áfram Afturelding !!