Knattspyrnudeild Aftureldingar hefur hafið sölu á árskortum á heimaleiki karla- og kvennaliðs Aftureldingar en bæði lið leika í 1. deildinni í sumar. Kortin gilda á heimaleiki beggja liða og er það von félagsins að fjölmennt verði á heimaleiki félagsins í sumar.

Sjaldan hefur verið jafn mikilvægt að styðja við meistaraflokka Aftureldingar og í ár þegar mikil óvissa er í samfélaginu og rekstur íþróttafélaga mjög erfiður.

Sala á kortunum er hafin og er hægt að kaupa árskort í gegnum vefverslun Aftureldingar. Einnig er hægt að kaupa kort hjá leikmönnum sem munu aka kortunum heim að dyrum.

Líkt og í fyrra verður boðið upp á sérstök árskort fyrir yngri knattspyrnuáhugamenn. Framtíðarkortið er fyrir ungt fólk á aldrinum 16-25 ára og kostar kortið aðeins 4.900. Kortið gildir á alla heimaleiki karla og kvenna í sumar. Einnig er boðið upp á Gull- og Silfurkort sem veita aðgang að öllum heimaleikjum.

Sérstök Iðkendakort verðaveitt öllum iðkendum í barna- og unglingastarfi knattspyrnudeildar sem fá frítt á völlinn í sumar. Einnig fá foreldrar/forráðamenn 50% afslátt af miðaverði séu þau í fylgd með barni með iðkendakort.

Frábærar fyrirmyndir prýða kortin að þessu sinni en það eru þau Margrét Regína Grétarsdóttir, fyrirliði meistaraflokks kvenna, og Andri Freyr Jónasson, fyrirliði meistaraflokks karla.

Kaupa árskort hjá Knattspyrndeild Aftureldingar

Gullkort – 24.900 kr.-
Þegar þú kaupir Gullkort knattspyrnudeildar Aftureldingar færð þú aðgengi að öllum meistaraflokks leikjum félagsins, hvort sem um ræðir karla eða kvenna leiki. Í þokkabót fær handhafi gullkortsins hamborgaratilboð á heimaleikjum karla og kvenna í sumar án endurgjalds og einnig kaffi.

Silfurkort – 14.900 kr.-
Þegar þú kaupir Silfurkort Aftureldingar færð þú aðgengi að öllum meistaraflokks leikjum félagsins, hvort sem um ræðir karla eða kvenna leiki. Þar að auki fær handhafi silfurkorts hamborgaratilboð á leikjum meistaraflokka félagsins á aðeins 1.000 kr.-

Framtíðin – 4.900 kr.-
Framtíðin er ætluð þeim sem eru á bilinu 16 til 25 árs, þ.e. þá sem eru fæddir á árunum 1995-2004. Þessi kort veita aðgang að öllum meistaraflokks leikjum félagsins, hvort sem um ræðir karla eða kvenna leiki.

Iðkendakort – Frítt
Allir iðkendur í barna- og unglingaráði knattspyrnudeildar fá frítt á alla heimaleiki karla og kvenna í sumar. Foreldrar og/eða forráðamanna í fylgd með barni sem franvísar iðkendakorti fá 50% afslátt af miðaverði.