Aðalfundur Taekwondodeildar Aftureldingar

Taekwondo Taekwondo

Aðalfundur deildarinnar verður haldinn þann 25. apríl nk. kl. 20:00 í vallarhúsinu að Varmá (húsið við frjálsíþróttavöllinn).
Allir skuldlausir félagsmenn (forráðamenn barna) í deildinni hafa atkvæðisrétt og kjörgengi á aðalfundi.
Við hvetjum félagsmenn að fjölmenna á fundinn og taka þar með virkan þátt í starfi deildarinnar. Þeir sem hafa áhuga á að starfa í stjórn eru sérstaklega hvattir til að mæta.
Dagskrá fundarins er sem hér segir:
1. Fundarsetning.
2. Kosning fundarstjóra og fundarritara.
3. Formaður deildar gerir grein fyrir starfsemi deildarinnar á liðnu starfsári.
4. Gjaldkeri deildar leggur fram til samþykktar og gerir grein fyrir reikningum deildarinnar, sem staðfestir hafa verið af kjörnum skoðunarmanni og gjaldkera aðalstjórnar.
5. Fjárhagsáætlun deildarinnar lögð fram til samþykktar.
6. Kosningar:
a) Kosinn formaður.
b) Kosinn helmingur meðstjórnenda til tveggja ára í senn.
7. Önnur mál.
8. Fundarslit.
Hjá deildinni eru 5 stjórnarmenn að formanni meðtöldum, og skv. gr. 7.a. og 7.b. verður kosið um formann og tvo stjórnarmenn.