Mánudaginn 13.apríl kl 17:00 kemur Hreiðar Haraldsson til okkar frá Íþróttaakademíu Borgarholtsskóla með kynningu á starfsemi akademíunnar fyrir iðkendur í 9. og 10. bekk og foreldra þeirra.

Á kynningunni mun Hreiðar, sem auk þess að vera kennari í Borgarholtsskóla er íþróttasálfræðiráðgjafi, fjalla stuttlega um mikilvægi þess að íþróttafólk flétti á árangursríkan hátt íþróttaiðkun saman við nám. Jafnframt mun hann kynna hvað íþróttaakademía Borgarholtsskóla hefur uppá að bjóða fyrir ungt íþróttafólk sem stefnir á framhaldsskólanám í haust eða haustið 2027.

Kynningin er 30-45 mínútur og fer fram í Hlégarði. Við hvetjum okkar iðkendur og foreldra þeirra eindregið  til að mæta og kynna sér ÍAK Borgó.