Meistaraflokksráð blakdeildar Aftureldingar kynnir þjálfarateymi sitt fyrir næstu leiktíð.

Yfirþjálfari bæði karla-og kvennaliðs félagsins þekkir vel til að Varmá en Borja Gonzales Vicente er komin aftur.  Borja þjálfaði bæði liðin þar til hann tók við sem afreksstjóri BLI fyrir 2 árum síðan.

Honum til aðstoðar karlamegin er Elsa Sæný Valgeirsdóttir en Elsa Sæný hefur langa reynslu bæði sem leikmaður í efstu deild hér heima, landsliðinu og sem leikmaður í efstu deild í Danmörku.  Etir að hún flutti heim þá tók hún við þjálfun karlaliðs HK með mjög góðum árangri.  Elsa Sæný er sjúkraþjálfari að mennt.

Kvennamegin er Atli Fannar Pétursson aðstoðarþjálfari en hann er einnig yfirþjálfari BUR hjá blakdeildinni auk þess að sjá um styrktarþjálfun beggja liðanna sem og þjálfun yngri hópa hjá félaginu og styrktarþjálfun þeirra.

Borja hefur lokið æðsta þjálfarastigi hjá Alþjóða blaksambandinu sem er FIVB 3.  Atli Fannar lauk nýverið FIVB 2 og Elsa er að ljúka BLI 3 námskeiði sem er efsta þjálfarastig sem BLI býður upp á.

Við bjóðum þau öll hjartanlega velkomin og hlökkum til að hefja leiktíðina með þetta frábæra fólk í brúnni.