Íslenska U20 landslið kvenna tók þátt í undankeppni EM með þátttöku sinni í smáþjóðarmóti í San Marino í september. Stelpurnar okkar stóðu uppi sem sigurvegarar og komu heim með gullið og því búnar að tryggja sig inn á lokamótið 2027 með stóru þjóðunum. Afturelding átti 2 leikmenn í hópunum, Alexandra Björg Andradóttir 17 ára og Emilía Dís Júlíusdóttir 16 ára. Aðstoðarþjálfari liðsins var Daníela Grétarsdóttir leikmaður í mfl kvenna hjá Aftureldingu.

U20 með gull á SMC mótinu í San Marino

Daníela Grétarsdóttir aðstoðarþjálfari U20, Emilía Dis og Alexandra í U20

Í október var komið að U17 kvennaliði Íslands að halda á NEVZA mót í Danmörku. Þessar stelpur komu heim með bronsið. Þar átti Afturelding einnig 2 leikmenn í liðinu, Emilía Dís Júlíusdóttir skellti sér í sína aðra landsliðsferð á innan við 3 vikum, og Lilly Marije Verwijnen.

Aðalþjálfari liðsins var yfirþjálfari BUR Atli Fannar Pétursson og aðstoðarþjálfari var Amelía Ýr Sigurðardóttir leikmaður með meistaraflokki kvenna hjá okkur.

U17 kvk. Brons á Norðurlandamóti

Við óskum leikmönnum og þjálfurum til hamingju með árangurinn. Það verður spennandi að fylgjast með þessum efnilegu leikmönnum í framtíðinni og það er klárlega björt framtíð fyrir kvennalið Aftureldingar í blaki.

Hér má sjá umfjöllun um landsliðin okkar  ásamt öllum deildarleikjum. Volleyball.is – Volleyball News