Karlalið Aftureldingar í blaki drógst á móti KA í 8 liða úrslitum Kjörísbikarsins í blaki og fór sá leikur fram í dag, laugardag að Varmá. Búist var við hörkuleik þar sem þessi lið eru á svipuðum stað í deildinni. Afturelding kom þó mun ákveðnari til leiks og unnu þeir leikinn 3-0 og eru því komnir áfram í FINAL 4 í Kjörísbikar karla. Dregið verður eftir síðasta leikinn í 8 liða úrslitunum á morgun sunnudag en liðin sem eru komin áfram eru auk Aftureldingar, HK og Hamar. Fylkir og Vestri eigast við á morgun.

Kvennalið Aftureldingar tryggði sig áfram í FINAL 4 með sigri á 1.deildar liði Fylkis s.l. miðvikudag. Eftir síðasta leikinn í 8 liða úrslitunum í dag var dregið í 4ra liða úrslitin.  Afturelding drógst á móti liði HK og spila þær kl 20:00 næsta föstudag í Digranesi. Í hinum leiknum eigast við KA og Völsungur.