Spilað verður á sérstöku blakkeppnisgólfi og umgjörð leikja því með besta móti og hvetjum við sem flesta Mosfellinga til að leggja leið sína í Laugardalshöllina um helgina og hvetja stelpurna.


Afturelding – núverandi bikarmeistarar – mætir Þrótti Nes í undanúrslitum kl 18 á laugardag en þessi lið áttust við í úrslitaleiknum 2012 þar sem Afturelding hafði betur.  Þróttur Nes er taplaust í deildinni í vetur og er komið í úrslit í Íslandsmótinu ásamt HK.


Í hinum undanúrslitaleiknum mætast svo HK og Stjarnan kl 16
 
Undanúrslit karla verða kl 12 Stjarnan og Þróttur Nes og kl 14 HK og KA á laugardag.
 
Úrslitaleikir verða svo kl 13:30  og 15:00, karlarnir á undan,  á sunnudag.  Þeir leikir verða í beinni útsendingu á RÚV.
 
Fjölmennum á pallana og hvetjum stelpurnar okkar.  Áfram Afturelding.
 
Miðasala á midi.is og við innganginn.  Vekjum athygli á því að frítt er fyrir 16 ára og yngri.