Þann 11. apríl nk. fagnar Ungmennafélagið Afturelding 117 ára afmæli, en félagið hefur verið órjúfanlegur hluti af samfélaginu í Mosfellsbæ allt frá árinu 1909.

Af því tilefni langar okkur að skapa skemmtilega og sameiginlega stemningu í bænum og hvetja alla í Mosfellsbæ til að klæðast rauðu fimmtudaginn 9. Apríl. Sýna þannig samstöðu bæjarins og stuðning við félagið okkar, með það að markmiði að sjá allan Mosfellsbæ í rauðu þann dag – í leikskólum, skólum, á vinnustöðum og alls staðar þar sem fólk kemur saman.

Á sama tíma munum við í samstarfi við JAKO Sport vera með afsláttadaga vikuna á undan. Þar sem fjölskyldum og iðkendum gefst tækifæri til að græja sig upp fyrir sumarið á hagstæðum kjörum – og vera klár í rauðu fyrir daginn.

Það væri okkur afar dýrmætt ef þið mynduð taka þátt og hvetja ykkar fólk til að klæðast einhverju rauðu þennan dag – hvort sem það er bolur, peysa, húfa eða annað. 

Saman getum við gert daginn eftirminnilegan og sýnt hvað samfélagið okkar er sterkt þegar við stöndum saman. Einnig væri gaman að sjá samstöðuna á samfélagsmiðlum með því að merkja okkur skemmtuninni @umfafturelding.