Karatestarfið hefst þriðjudaginn 27. ágúst með æfingum hjá framhaldshópum í karate. Byrjendanámskeið hefjast mánudaginn 2. september og verða þau auglýst síðar.

Föstudaginn 7. júní verða beltapróf hjá karatedeild Aftureldingar. Þann dag verða einungis beltapróf, engir karatetímar, og prófdómari verður yfirþjálfari deildarinnar Willem C. Verheul, 2. dan. Prófin verða í karatesalnum í Varmá.

Telma Rut Frímannsdóttir var aðeins hársbreidd frá þriðju umferð í kumite -61 kg flokki á Evrópumeistaramótinu í karate sem fór fram í Búdapest í Ungverjalandi dagana 9. – 12. maí.

Laugardaginn 6. apríl bættust við 3 nýir svartbeltarar hjá karatedeild Aftureldingar. Sensei Steven Morris, 7. dan, var með æfingabúðir hjá deildinni og karatedeild Fjölnis og gráðaði hann nokkra iðkendur úr báðum deildum.

Á Norðurlandameistaramótinu í karate sem fram fór í Osló laugardaginn 13.apríl vann íslenski landsliðshópurinn til ellefu verðlauna. Kvennasveit Íslands tapaði naumlega í hópkata fyrir dönsku liði og náði því ekki að verja titil sinn. Telma Rut Frímannsdóttir lenti í þriðja sæti í kumite -61 kg flokki þar sem hún beið lægri hlut gegn dönskum keppanda 4:3.

Telma Rut Frímannsdóttir hreppti bronsverðlaun í -61 kg flokki kvenna á opna sænska meistaramótinu í kumite í Malmö núna um helgina, 23.-24.mars.

Aðalfundur karatedeildar Aftureldingar verður haldinn fimmtudaginn, 11. mars 2013, kl. 18:00 í „gámi“ við íþróttahúsið Varmá.

Íslandsmeistaramót unglinga og barna í kata fór fram sunnudaginn 17.febrúar. Fjölmargir iðkendur frá karatedeild Aftureldingar tóku þátt í mótinu og þar af unnu átta keppendur til verðlauna.

Byrjendanámskeið hefjast mánudaginn 7.janúar. Karatepeysa fylgir frítt með fyrir byrjendur. Karateæfingar framhaldshópa hefjast að nýju þriðjudaginn 8.janúar og er stundatafla óbreytt frá síðustu önn.