Uppskeruhátíð Aftureldingar fór fram síðasta laugardag að viðstöddu fjölmenni í íþróttamiðstöðinni að Varmá. Fyrir hádegi var íþróttahátíð fyrir þau yngstu og var vel mætt á skemmtilega dagskrá deilda og eins var íþróttaskólinn á sínum stað og í jólaskapi þennan dag.  Eftir hádegi byrjaði dagskrá með söng og var það hinn kraftmikli Eyþór Ingi sem fór á kostum og lét 450 gesti sem mættir voru syngja með sér.  
Veittar voru viðurkenningar til 11 – 16 ára iðkenda fyrir bestu ástundun og mestu framfarir á liðnu ári.  Þriðji flokkur karla í knattspyrnu fékk UMFUS bikarinn. Hvataverðlaun fengu þau Guðbjörg Fanndal og Sigurður Rúnar frá knattspyrnudeild.  Vinnuþjarkur Aftureldingar var valin Svava Ýr Baldvinsdóttir. Starfsbikar UMFÍ fékk að þessu sinni blakdeildin. Hópbikar UMSK hlaut 3. flokkur karla í knattspyrnu en hann lenti í 2. sæti á Íslandsmótinu í knattspyrnu.   Því næst voru afhentar viðurkenningar fyrir íþróttakarl og íþróttakonu sem deildir Aftureldingar höfðu tilnefnt til kjörs á íþróttakonu og karli Aftureldingar. Úr þeim frækna hópi valdi svo aðalstjórn Aftureldingar þau Jóhann Jóhannsson handboltakappa Íþróttamann Aftureldingar og Telmu Rut Frímannsdóttur karatekonu Íþróttamann og Íþróttakonu ársins 2013.

Íþróttakarl og kona deilda sem tilnefnd voru af stjórnum deilda voru:

Blakdeild – Reynir Árnason og Auður Anna Jónsdóttir

Frjálsíþróttadeild – Óskar Markús Ólafsson og Helga Lára Gísladóttir

Sunddeild – Davíð Fannar Ragnarsson og Bjarkey Jónasdóttir

Taekwondodeild – Ágúst Örn Guðmundsson og María Bragadóttir

Karatedeild – Telma Rut Frímannsdóttir

Handknattleiksdeild – Jóhann Jóhannsson og Hekla Daðadóttir

Badmintondeild – Margrét Dís Stefánsdóttir og Guðmundur Ágúst Thoroddsen

Knattspyrnudeild – Axel Óskar Andrésson og Kristrún Halla Gylfadóttir

Fimleikadeild og körfuknattleiksdeild tilnefndu ekki að þessu sinni.