Afturelding hlaut á dögunum rausnarlegan styrk úr Samfélagssjóði KKÞ að upphæð 1.000.000 kr. Styrkurinn er veittur til endurnýjunar á húsgögnum og ýmiss konar búnaði í fundaraðstöðu Aftureldingar í vallarhúsinu að Varmá.

Afturelding þakkar veittan stuðning en strax verður hafist handa við að efla fundaraðstöðu félagsins. Verkið verður að mestu unnið af sjálfboðaliðum innan úr félaginu á næstu vikum.

Áhugsamir geta lagt verkefninu lið. Aftureldingar leitar meðal annars eftir eftirfarandi búnaði til að efla aðstöðu sína í fundarrýminu:

• Borð og stóla
• Sófa og sófaborð
• Lýsingu
• Eldhúsinnréttingu og borðplötu
• Skápa/hirslur
• Tússtöflu
• Borðbúnaður
• Uppþvottavél
• Spegill fyrir salerni

Margar hendur vinna létt verk en ljóst er að þörf er á aðstoð frá smiðum, rafvirkjum, pípulagningarmönnum og málurum til að klára verkið að fullu. Þeir sem vilja leggja verkefninu lið geta haft samband við Hönnu Björk, íþróttafulltrúa Aftureldingar, með tölvupósti: hannabjork@afturelding.is eða í síma 866 5388.