Ungmennafélagið Afturelding óskar eftir að ráða framkvæmdastjóra. Framkvæmdastjóri starfar í umboði aðalstjórnar og ber ábyrgð á daglegum rekstri félagsins. Starfið felur í sér samstarf við félagsmenn, styrktaraðila, starfsfólk Mosfellsbæjar, annarra íþróttafélaga og hagsmunasamtaka þeirra.
Leitað er að öflugum og metnaðarfullum leiðtoga sem hefur áhuga á íþróttastarfi og er tilbúinn að taka virkan þátt í starfsemi og þróun félagsins.
Starfssvið
- Ábyrgð og stjórnun á daglegum rekstri félagsins
- Ábyrgð og umsjón með fjármálum og starfsmannamálum
- Framkvæmd ákvarðana stjórnar og samskipti við stjórnarmenn
- Þjónusta við iðkendur og stjórnir deilda
- Markaðs- og kynningarstarf
- Samskipti og tengsl við hagsmunaaðila
- Ábyrgð á framkvæmd og framvindu verkefna
- Undirbúningur funda og viðburða
- Önnur tilfallandi skrifstofustörf
Hæfniskröfur
- Háskólamenntun sem nýtist í starfi
- Farsæl stjórnunarreynsla
- Reynsla og þekking á sviði fjármála
- Góð almenn tölvukunnátta
- Reynsla af verkefnastjórnun og samskiptum við hagsmunaaðila
- Frumkvæði, sjálfstæði og faglegur metnaður
- Rík þjónustulund og lipurð í mannlegum samskiptum
- Hæfni til að tjá sig í ræðu og riti
- Hreint sakavottorð
Um er að ræða fullt starf hjá Aftureldingu sem er eitt af stærri íþróttafélögum landsins með um 1.600 iðkendur í 11 deildum. Vinnutími er sveigjanlegur og starfinu fylgir vinna utan hefðbundins skrifstofutíma.
Nánari upplýsingar veitir Geirlaug Jóhannsdóttir, geirlaug@hagvangur.is
Umsóknir með ítarlegri ferilskrá og kynningarbréfi óskast fylltar út á vef Hagvangs www.hagvangur.is.